Bu gün...
Ölkənin tanınmış hüquq müdafiəçiləri prezident İlham Əliyevə müraciət etdilər
Ölkənin bir neçə tanınmış hüquq müdafiəçisi ölkə prezidentinə müraciət ünvanlayıb. Müraciətdə deyilir: “Hörmətli Cənab Prezident,

facebook-paylas
Tarix: 30-08-2017 15:13
Ölkənin tanınmış hüquq müdafiəçiləri prezident İlham Əliyevə müraciət etdilər

Vergilər Nazirliyinin Vergi Cinayətlərinin İbtidai Araşdırılması Departamentinin “Turan” İnformasiya Agentliyində apardığı yoxlamalara əsasən tez-tələsik həbs olunan agentliyin direktoru, Azərbaycanda jurnalistikanın inkişafında əhəmiyyətli rol oynamış Mehman Əliyevlə bağlı bir daha Sizə müraciət etmək qərarına gəldik.

Azərbaycanda fəaliyyət göstərən hüquq müdafiəçiləri kimi biz ümid edirdik ki, vergi orqanları Sizin 10 fevral 2017-ci il tarixli “Penitensiar sahədə fəaliyyətin təkmilləşdirilməsi, cəza siyasətinin humanistləşdirilməsi və cəmiyyətdən təcridetmə ilə əlaqədar olmayan alternativ cəza və prosessual məcburiyyət tədbirlərinin tətbiqinin genişləndirilməsi” ilə bağlı sərəncamınızı əsas götürərək, istintaqın davam edəcəyi müddətdə Mehman Əliyevin həbs olunmasına tələsməyəcəklər.

Lakin Melman Əliyevə qarşı istintaqın davam etdirilməsi üçün materialların kifayət qədər olmadığı şəraitdə belə onun tezliklə həbs olunması Azərbaycana qarşı tənqidlərin artmasına səbəb olub. Onun həbs olunması Sizin tərəfinizdən jurnalistlərin mənzil və sosial şəraitinin yaxşılaşdırılması üçün atdığınız addımlara beynəlxalq təşkilatlarda kölgə salınmasına əsas verir.

Hörmətli cənab Prezident,

Biz, hüquq müdafiəciləri olaraq Mehman Əliyevin istintaqının davam etdiyi və ona qarşı ittihamların araşdırıldığı müddətdə zaminə buraxılmasına dəstək olmanızı Sizdən rica edirik. Ümid edirik ki, qısa zamanda Siz öz humanistliyinizi göstərərək onun zaminə buraxılmasında bizim xahişimizi nəzərə alacaqsınız.

Hörmətlə,
Hüquq müdafiəçiləri:

Novella Cəfərova 
Səidə Qocamanlı
Səadət Bənənyarlı 
Əvəz Həsənov
Mirvari Qəhrəmanlı 
Arzu Abdullayeva 
Zəlihə Tahirova
Eldar Zeynalov”.




Qaynaq: ocaq tv

Editör: surxay



YORUMLAR

Hləlik yorum ələavə edilməmişdir.Bu Xəbər'i ilk siz yorumlayın.

YORUM YAZ



1 + 1 =

YORUM YAZ

FACEBOOK YORUM
Yorum

İLGİNİZİ ÇƏKƏBİLƏCƏK BAŞQA XƏBƏRLƏR
FOTO GALERİ
ÇOX OXUNAN XƏBƏRLƏR
VİDEO GALERİ
SON XƏBƏR YORUMLARI
YUKARI