Bu gün...
İsrail “rus raketini” Suriyada vurdu, səfir Kremlə çağırıldı
İki gün əvvəl İsrail aviasiyasının Suriyaya reydi Moskvanı ciddi narahat edib. Nəticədə bu ölkənin Moskvadakı səfiri izahat üçün Kremlə çağırılıb.

facebook-paylas
Tarix: 19-03-2017 15:22
İsrail “rus raketini” Suriyada vurdu, səfir Kremlə çağırıldı

 Xəbər verildiyi kimi İsrail Hərbi Hava Qüvələrinin 4 F-16 təyyarəsi Suriya hava məkanına daxil olaraq “Hizbullah” üçün nəzərdə tutulmuş silahlara zərbə endirib. Bu zaman Suriya havadan müdafiə qüvvələri İsrail təyyarələrini S-200 zenit-raket sistemləri ilə atəşə tutub.

Cavab olaraq İsrailin raketdən müdafiə sistemi “Arrow” həmin raketlərdən birini vurub. Bu, “yer-yer” tipli raketlərə qarşı nəzərdə tutulan “Arrow” raketlərinin “yer-hava” tipli raketlərə qarşı ilk döyüş tətbiqidir. Və İsrailin raketdən müdafiə sahəsində hansı imkanlara malik olduğunu bir daha nümayiş etdirir. Azərbaycanın da İsraildən “Arrow” raketləri aldığını artıq etmişik. Xəbərlərə görə İsrail raketi Suriyanın buraxdığı S-200 raketini bu ölkənin hava sahəsindəcə haqlayıb, “Arrow” raketinin qalıqları qonşu İordaniyanın ərazisinə düşüb.

 

İsrail KİV-ləri xəbər verir ki, Knessetin müxalifətdən olan deputatı Omer Bar-Lev “Arrow” raketinin İsrail təyyarələrinə tuşlanan Suriya raketinə doğru buraxılması “səhv addım” olduğunu bildirib. Çünki bu, Rusiya ilə münasibətləri gərginləşdirə bilər. “Bu insidentə görə İsrail səfiri artıq izahat üçün Kremlə çağırılıb”.Bar-Levin fikrincə İsrailin Suriyada Rusiya ilə əməkdaşlığı vacib məsələdir.

 

Keçmiş müdafiə naziri və baş nazir, general Ehud Barak da raketin tətbiqini yanlış hesab edir. “Bu raket atışı və raketin qalıqlarının İordaniya ərazisinə düşməsi nəticəsində İsrail ilk dəfə Suriyaya hücuma görə məsuliyyəti üzərinə götürməli olub. Ona görə də bəlkə bu raketin tətbiqindən çəkinmək olardı”-Ehud Barak deyib. Bununla belə keçmiş müdafiə naziri gecə saatlarında İsrail təyyarələrinə doğru buraxılmış zenit raketinin “Arrow” raketi ilə vurulmasını İsrailin raketdən müdafiə sahəsində hansı imkanlara malik olduğunun nümayişi kimi qiymətləndirir. “Bu, növbəti dəfə sübut edir ki, İsrail raketdən müdafiənin effektivliyi üzrə dünyada aparıcı yeri tutur”-Barak bildirib.

Livanda mənzillənən “Hizbullah” təşkilatının lideri şeyx Nəsralla isə İsraili Suriya ərazisinə aviazərbəyə görə tənqid edərək deyib ki, İsrail İŞİD-in Suriyada məğlub olmasından qorxur. Çünki bilir ki, bu halda Suriyada İranla üz-üzə qalacaq. Nəsralla Suriya müxalif qruplaşmalarını əsədə qarşı döyüşməyi dayandırmağa çağırıb, deyib ki, bu, ancaq İsrailin işinə yarayır.

·          

·          

·          

 




Qaynaq: ocaq tv

Editör: surxay



YORUMLAR

Hləlik yorum ələavə edilməmişdir.Bu Xəbər'i ilk siz yorumlayın.

YORUM YAZ



2 + 1 =

YORUM YAZ

FACEBOOK YORUM
Yorum

İLGİNİZİ ÇƏKƏBİLƏCƏK BAŞQA XƏBƏRLƏR
FOTO GALERİ
ÇOX OXUNAN XƏBƏRLƏR
  • BU GÜN
  • BU HƏFTƏ
  • BU AY
VİDEO GALERİ
SON XƏBƏR YORUMLARI
YUKARI